“Fëmijët dhe reklamat në transmetimet audiovizive”

Stafi i zyrës së Komisionerit për Mbrotjen nga Diskriminimi mori pjesë në tryezën e diskutimit “Fëmijët dhe reklamat në transmetimet audiovizive”, të organizuar nga Autoriteti i Mediave Audiovizive (AMA).
Diskutimi u përqendrua te koordinimi i institucioneve në evidentimin e rasteve të shkeljes së Kodit të Transmetimit si dhe mundësinë e organizimit të fushatave të informimit dhe ndërgjegjësimit me redaksitë audiovizive por edhe me vetë prindërit dhe komunitetin e fëmijëve.
Të pranishëm në këtë aktivitet ishin deputetë, përfaqësues të grupit të deputetëve “Miqtë e Fëmijëve”, nga OSHMA-të, organizatat jo qeveritare që kanë në fokus të punës së tyre liritë dhe të drejtat e fëmijëve, nga institucionet publike, ekspertë të fushës, etj.